الخطوات السبعة للسيطرة الوهابية على الشباب
adminaswan
6 أبريل، 2026
الخوارج عبر العصور
13 زيارة
إزاي “السلفية” بيجروا رجل الشباب..
الخطة في 7 خطوات:
أولاً: مسيطرين على السوشيال ميديا
تلاقيهم في كل حتة، فيديوهات وبوستات وتصاميم، كأنهم فاتحين وكالة دعاية وإعلان بس بالدقن.
ثانياً: جروبات “اللمة” على الواتساب وتلجرام
أول ما تظهر في الصورة، تلاقي نفسك اتسحبت في “جروب شبابي” أو “جروب أخوات”، رسايل طول اليوم وفويسات ومسابقات عشان يفضلوا رابطينك بيهم 24 ساعة.
ثانياً: “مندوب” في كل مدرسة ومعهد
دايماً فيه الشخص “الكيوت” اللي عامل فيها صاحبك، مهمته يلملم الشباب من الحوش ويقنعهم إن فيه “درس مهم” أو “قعدة حق” لازم تحضرها، ويسحبك لرجليهم واحدة واحدة.
رابعاً: اللعب على الوتر الحساس (العاطفة)
يبدأ معاك بـ: “يا عاصي.. يا مذنب.. القبر بيناديك!”، يحسسك إنك خلاص ضعت، وبعد ما تتوب يقولك: “جميل جداً يا بطل، بس فين بقى اللحية؟ وفين القميص القصير؟ والسواك في جيبك؟”.. وطبعاً ينسوا خالص إن “الباطن” والنضافة الداخلية هي الأصل.
خامساً: قايمة “الممنوعات” في الكتب
يقولك العلم فريضة، بس خد بالك! تدرس “كتاب التوحيد” و”الأصول الثلاثة” وبس. طب والنحو والصرف والبلاغة؟ يقولك “ماشي بس خلي بالك اللي مألفين الكتب دي أشاعرة (مبتدعة)، خد النحو منهم وارمي الباقي”. وطبعاً “المنطق” و”التصوف” دول رجس من عمل الشيطان، اوعى تقربلهم!
سادساً: “أنا وبس” والكل غلط
يخليك تفتي في أي حاجة بـ “قال الله وقال الرسول” وأنت لسه متعلمتش ألف باء لغة ولا أصول. ولو قولت “يا مولانا” يقلب عليك ويقولك: “إيه مولانا دي؟ دي بدعة صوفية! قول يا شيخنا أو يا طالب العلم”.
سابعاً: التكفير والتشريك
الهدف النهائي إنك تطلع “رادار” شرك؛ أي حد صوفي يبقى مشرك، وأي حد مش على مزاجهم يبقى ضال، وتعيش حياتك كلها بتحكم على الناس بدل ما تنشغل بنفسك.
الشيخ : أحمد أبوالمجد الأزهرى
صوت الأزهريين
