الشيخ محمد عبدالله الأسوانى الإمام
قال لي ابن قريب من القلب :
أريد أن أنسى المواقف التي انكسرت فيها ؟ لقد فكرت في الانتحار بسبب تلك المواقف . فما الحل ؟
قلت له :
فيه روشتة بسيطة من حيث العلاج كبيرة من حيث الأثر . ومش سهلة في التطبيق ومش صعبة . لكن فيها العلاج الكامل لما تشكو منه وأي شيء مشابه له .
انا واحد من الناس كنت طفل مدلل . وبعدين تعرضت لمجموعة من المصاعب لما باتذكرها وانا قد تجاوزت الأربعين بافرح جدا بتربية ربنا الي حولتني من شاب ضعيف إلى رجل أحسب أنه قوي والحمد لله …
أيوة بتعيش أيام صعبة . لكن الصعوبة دي لها ذروة وبتنكسر . ولما بتنكسر بتنكسر معاها حاجات كتير جوه نفسك كانت ممكن تبعدك عن ربنا أمد طويل .
الامتحانات والانكسارات ربنا مش عاملها لك فخ أبدا . ولكن ربنا بيربي عباده بالامتحانات . لكي يغير فيهم صفاتهم السيئة . ويكونوا أكثر قربا إليه سبحانه وتعالى . ويكونوا منكسرين القلب له جل وعلا . مش متفرعنين ولا متعالين على الخلق .
يا ابني لما يحصل لك أي موقف يحزنك أو تحس أنه هيكسرك إياك تعرف سرك لحد .
اقفل بابك على نفسك . وعيش مع ربك الفترة دي . واحتسبها خلوة لله . لأن مفيش مخلوق هيساعدك . ربك بس الي هيساعدك .
خليك متأكد إن بعد تجاوز الفترة دي فيه عطاءات وفيه منح من الله لو انت نجحت في الامتحان .
دكتور / أحمد شتيه
الأستاذ بكلية الآداب – جامعة دمنهور
