الأدب ثم الأدب ثم الأدب

الأدب قبل السبحة
الأدب قبل الحضرة
الأدب قبل المحاضرة
الأدب قبل المشيخة
الادب قبل النصيحة
الأدب قبل المناظرة
الأدب قبل الشهادة

محتاجين نتأدب ونتعلم
ازاى نختلف .. ازاى نعذر .. ازاى نعتذر.. ازاى نتسامح
ازاى نقنع.. ازاى نقتنع..
ازاى نعرض .. ازاى نعترض .. ازاى نعارض
ازاى نحلل ونستدل ونبرر
ازاى نسكت
ازاى نرد .. ازاى نصبر على المسيء
ازاى نوسع صدرنا
ازاى نتحاور.. ونستمع.. ونقاطع .. ونتغافل..
ازاى لا نكذب .. ولا نتقول.. ولا نخدع .. ولا ندلس
ازاى نتقبل الرأى الآخر
ازاى نتعامل مع الجاهل
ازاى نحفظ قلبنا
ازاى ما نقلش من نفسنا
ازاى نتحكم فى لساننا
ازاى ما نلقحش كلام
ازاى نبطل الغمز واللمز
ازاى نبعد عن التعصب
ازاى نبقى قدوة لتلاميذنا واخواننا
ازاى نحفظ مكانة العالم وإن زل وأخطأ
ازاى نستر على الناس
ازاى مانرميش الناس بالباطل ونكيل لهم الاتهامات
ازاى لا ننسب للناس ماليس فيهم

محتاجين نعرف العيب والغلط والتجاوز
نحترم الكبير .. ونصبر على الصغير
نناقش الفكرة بالفكرة ونواجه الحجة بالحجة.. ونحفظ الود
عاوزين نتعلم نفكر قبل ما نتكلم
ونعرف نقيم نتيجة تصرفاتنا
ونتوقع تأثير كلامنا .. والجدوى منه
عاوزين يبقى عندنا موضوعية وحيادية
نبعد عن الجوانب الشخصية
نهجر الفجور فى الخصومة
نحط نفسنا مكان اللى قدامنا
وإن النصيحة على الملأ فضيحة
عاوزين يبقى عندنا حسن ظن
عاوزين نتعلم الحكمة والصبر وطولة البال
عاوزين نبطل حقد وغيرة من نجاح الآخرين
بلاش تريقة وسخرية وانتقاص
نتعود على الكلمة الطيبة
ولا نحتكر الصحة ولا الصواب

علشان احنا كدة بنسيء للاسلام ولسيدنا النبى ولمشايخنا

وبتعبر عن تربيتك وبيتك وبيئتك وأصلك
ولا فايدة من التعليم ولا انتسابك لشيخ ولا أعلى المؤهلات

لازم العالم يحترم نفسه.. والشيخ يحفظ مكانته..
والدارس والطالب والمريد يحفظ نفسه بالكلية فى حضرتهم علشان يفلح..

ولما تعادى حد .. افتكر الآية الكريمة
(عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً ۚ
وَاللَّهُ قَدِيرٌ ۚ وَاللَّهُ غَفُورٌ رَّحِيمٌ)

وتذكروا قول سيدنا رسول الله..
(أحاسنكم أحاسنكم اخلاقاً)

يا رب علمنا الأدب بالأدب

الدكتور : محمد زغله
مدرسة الإمام الرائد