أنا أحْملُ عنك هذا الأمر

صاحبك واقع في مشكلة ومش عارف يحلها وفجأة لقى اللي يقوله: أنا أحمل عنك هذا الأمر، الحلّ عندي إن شاء الله.. متقلقش!

واحد مراته واقفة على الطلاق، وهو الموضوع تاعبه جدا، ومش عايز طلاق، فيلاقي ابن الحلال اللي يقوله: أنا أحمل عنك هذا الأمر، يروح يكلم أهلها ويحاول يلطّف الجو..

حد مزنوق ماديا والدنيا قافله في وشه، وفجأة يلاقي اللي يساعده ويقوله: أنا أحمل عنك هذا الأمر، ويعطي له المال ويساعده قدر المستطاع..

(أنا أحمل عنك هذا الأمر)

جملة بنطبطب بيها على قلوب الناس المنهكة، الناس اللي محتاجة حد يطمّنها، محتاجين نجبر بخاطر الناس، نهون على بعض، نرحم بعض لله.